PharmaHemp Premium CBD húðolía 

Kaupa

Loksins heilvirk CBD olía

PharmaHemp Premium CBD húðolían er langþráður nýliði undir gæðamerkinu Gott CBD. Þetta er fyrsta olían sem við bjóðum í snyrtivörulínu okkar en vonandi einungis sú fyrsta af fjölmörgum olíum þegar fæðubótarefni verða loksins leyfð á Íslandi. Í henni, eins og svo mörgum öðrum góðum CBD vörum, eru einungis efni sem óhætt er að borða (e: eatable).

Heilvirkt CBD (Full Spectrum).
Olían er með heilvirku CBD (e: Full Spectrum) sem hámarkar virknina. Hún er seld í 10 ml. flöskum með dreypara (pípettu) og samsvarar magnið um 200 dropum. Olían er bæði lífræn og vegan og THC innihald (sem er vímugefandi kannabínóði í iðnaðarhampi) er minna en 0.05%. Þannig CBD vörur eru án undantekninga skilgreindar um allan heim sem snyrtivörur og/eða matvæli. Olían inniheldur engin gervi- litar- eða lyktarefni.

Styrkleiki.
Magn af CBD í hverri flösku er með þrennum hætti: 660 mg, 1.200 mg eða 2.400 mg. Mjög er einstaklingsbundið hvaða styrkleiki hentar best og sömuleiðis í hvaða daglegu magni og hve oft á dag heppilegast er nota CBD. Ávallt er ráðlegt að fara varlega af stað og auka magn smám saman í takti við eigin tilfinningu eða t.d. í samráði við lækni.

Ráðlagðir dagskammtar.
Mjög er mismunandi hve mikið magn af CBD hentar hverjum einstaklingi daglega, einkum með tilliti til stærðar, þyngdar og aldurs auk þess við hvaða vandamál er að eiga eða hvort taka eigi CBD eins og t.d. vítamín til að viðhalda góðri heilsu. Meginreglan er eðlilega sú að því meiri styrkleiki sem er í hverri vörutegund sé hún bæði dýrari og áhrifaríkari. Á því geta þó verið ýmsar undantekningar. Best er að prófa sig áfram og byrja varlega.

Svissneski gæðaframleiðandinn Cibdol, sem er meðal þeirra sem á vörur í Gott CBD vörulínunni, hefur sett saman nokkrar gagnlegar viðmiðanir í einfalda reiknivél um ráðlagða dagskammta af CBD olíum sem vonandi verða leyfðar hér á landi innan tíðar.
www.cibdol.com/cbd-dosage-calculator

Framleiðandinn.
Framleiðandi PharmaHemp olíunnar er PharmaHemp d.o.o. Fyrirtækið hefur ræktað iðnaðarhamp í Slóveníu og framleitt hampolíu í áratugi ásamt því að vera einn af fyrstu framleiðendum CBD húðvara og fæðubótarefna í Evrópu. Þær eru um þessar mundir seldar í yfir 60 þjóðlöndum víða um heim. www.pharma-hemp.com

Ábending:
Börnum, barnshafandi konum og konum með barn á brjósti er ekki ráðlagt að nota olíuna. Ef upp koma óþægindi í húð eða olían berst í augu skal skola með vatni.

Tákn um gæði

Um CBD

CBD hefur verið mikið í umræðu og fréttum víða um heim að undanförnu vegna fjölbreyttra áhrifa sinna til bættrar heilsu. Víðfeðmar undirbúningsrannsóknir gefa sterkar vísbendingar um ýmis jákvæð áhrif af tengingum CBD kannabínóða (e. cannabinoid) við endókannabínóðakerfið (e. endocannabinoid system (ECS)) sem verið hefur til staðar í lífríkinu og manninum frá örófi alda. CBD er á meðal innihaldsefna í lyfseðilsskyldum tauga- og flogaveikislyfjum og í vísindasamfélaginu er almenn viðurkenning á jákvæðum áhrifum CBD á t.d. kvíða, streitu og svefn ásamt því að þekkt virkni er t.d. á bólgur og verki. Um þessar mundir er m.a. unnið að fjölmörgum rannsóknum á áhrifum CBD á ónæmis- og stoðkerfið. Langt er í frá að allar CBD vörur séu svipaðar. Þar getur m.a. munað um ólíkar ræktunar- og vinnsluaðferðir og sömuleiðis eru alltof mörg dæmi um að raunverulegt magn af CBD sé minna en upp er gefið. Þess vegna þarf að velja framleiðendur af kostgæfni.